Рекордни 37.189 нови случаи на коронавирус се пријавени во Иран. Министерството за здравство ги објави најновите податоци за бројот на заразени и починати од последиците предизвикани од Ковид-19.

Во последните 24 часа регистрирани се 37.189 случаи на инфекција, што е нов рекорд, додека вкупно 4.317 лица се хоспитализирани. Ова го зголеми бројот на заразени на 3.940.708. Вкупно 91.407 луѓе починаа, од кои 411 во последните 24 часа.

Во единиците за интензивна нега има 5.607 луѓе, и досега вкупно 3.404.533 заразени лица оздравеле.

Во Иран се дадени повеќе од 13,08 милиони дози вакцини. Повеќе од 10,28 милиони луѓе ја примиле првата доза, а повеќе од 2,79 милиони ја добиле и втората доза.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.