Бројот на жртви од новиот коронавирус се искачи на 1.383, а регистрирани се 5.090 нови случаи, што е рекорден број.

Со Ковид-19 се заразени вкупно 64.435 лица во повеќе од 25 земји низ светот, а меѓу болните во Кина има се повеќе здравствени работници кои се грижеле за болните.

Локалните медиуми јавија дека во една болница се разболеле 130 од 500 здравствени работници.

Засега најмногу болни има во Кина, со три смртни случаи пријавени надвор од земјата, од кој последната е 80-годишна жена во Јапонија.

Наглото зголемување на бројот на нови пациенти со коронавирус вчера беше последица од ревизијата на критериумите за дијагностицирање, бидејќи претходно како потврдени случаи се сметаа само пациенти чии резултати од тестови биле позитивни на Ковид-19.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.