Годишната инфлација во ЕУ во август се забрзала во услови на натамошен раст на цените на енергeнсите, во 26 земји-членки на Унијата, покажува извештајот на Европската агенција за статистика – Евростат.

Годишната стапка на инфлација измерена со усогласениот индекс на потрошувачки цени (HICP) во август се зголемила на 3,2 процента на ниво на ЕУ, се наведува во извештајот на Европскиот завод за статистика. Во јули изнесуваше 2,5 проценти.

Во август минатата година, потрошувачките цени беа зголемени за 0,4 проценти во однос на истиот период претходната година. Растот на цените значително се забрза минатиот месец и во еврозоната, достигнувајќи три проценти, највисоко ниво од ноември 2011 година, според проценката на Евростат, објавена кон крајот на минатиот месец. Во јули, во споредба со истиот период минатата година, цените се зголемија за 2,2 отсто, додека во август 2020 година беа пониски за 0,2 процента во споредба со истиот месец претходната година.

Во август, цените на енергенсите повторно имаа најголемо учество во годишната стапка на инфлација во заедничката валутна област, од 1,44 процентни поени, што одразува зголемување од 15,4 проценти во споредба со истиот период минатата година.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.