Неколку стотина демонстранти денеска го зазедоа црвениот тепих на Венецијанскиот филмски фестивал, барајќи да се преземат активности во борбата против климатските промени, но и да се забрани влез на крузерите во тој град.

Околу 300 демонстранти, во бели заштитни одела седнаа на црвениот тепих на кој во изминатите денови се сликаа холивудските ѕвезди како што се Бред Пит, Скарлет Јохансон и Јоакин Феникс. Опкружени од полиција, тие извикуваа слогани и носеа транспаренти со натписи: Нашата куќа гори“ и „Не за крузерите“.

Сакаме да обрнеме внимание на климатската криза, затоа што сметаме дека во моментот тоа е најважната работа во светот – рече Кјара Бурати, член на Венецијанскиот комитет против крстосувачи.

Фестивалот, што се одржува на островот Лидо, официјално се затвора вечерва, а Бурати рече дека демонстрантите ќе протестираат и на други места во текот на денот.

Демонстрантите, вклучително и членови на италијански и странски групи, учествуваат во петдневниот климатски камп во Венеција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.