Велика Британија може да ја напушти Европската унија на 31 октомври без договор, и покрај законот кој од премиерот бара да побара одложување на Брегзит доколку не се постигне договор, изјави денеска британскиот министер за финансии Саџид Џавид.

Одговарајќи на новинарско прашање дали е можен Брегзит без договор, тој рече дека е.

Тоа не е наша преферирана опција. Работиме вредно на постигнување договор до 31 октомври. Меѓутоа, доколку не успееме мислам дека е важно во секој случај да излеземе, па дури и без договор. Не е совршено, но соодветно е да си заминеме на 31, изјави Џавид за Ај-Ти-Ви.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.