Продолжува истрагата за атентатот врз професорот по историја и географија Самуел Пати, за „соучесништво во терористички атентат“ и „терористичко злосторничко здружение“, откако во октомври, седум лица, вклучувајќи и двајца ученици од основно училиште, беа изведени пред лицето на правдата.

Според информациите објавени денеска, четворица други ученици се обвинети во истрагата за убиството на 16 октомври на професорот Самуел Пати, поради тоа што на своите ученици им покажал карикатури на Мухамед, јави дописникот на МИА.

Тројца од малолетните лица се на возраст од 13 и 14 години, и тие сега се обвинети за „соучесништво во терористички атентат“, со тоа што ја означиле жртвата на напаѓачот Абдулах Анзоров пред нивниот колеџ во Конфлан-Сант-Хонорин во Ивелин.

Четвртото лице, обвинето за „клеветничко обвинување“, е ќерка на Брахим Чхина, родител на ученичката кој стои зад медиумската кампања против професорот Пати.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.