Кинеската компанија „Кансино биолоџикс“ објави дека нејзината вакцина против Ковид-19 е одобрена за итна употреба во Унгарија, што е втора кинеска вакцина одобрена во таа земја, по онаа на „Синофарм“.

Унгарскиот национален институт за фармација и исхрана даде одобрение за вакцината, врз основа на привремени резултати од третата фаза на клинички испитувања, се вели во соопштението на компанијата.

Вакцината „Кансино био“ е вакцина која се прима во една доза и неодамна беше одобрена за користење во Кина, Пакистан и Мексико.

Унгарија беше првата земја на ЕУ што купи и користеше кинески и руски вакцини, а првично беше критикувана поради нејзините засебни постапки на одобрување и преговарање за вакцините.

Во моментов, неколку европски земји исто така изразија интерес за набавка на овие вакцини поради доцнење на пратките од западните добавувачи.

Дневниот број на заразени во Унгарија во петокот надмина 10.000.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.