Украина прифатича дека членството во НАТО повеќе не е опција за земјата и нема да преземе никакви дополнителни чекори кон приклучување кон воената алијанса предводена од САД, изјави за „Фајненшл тајмс“ Игор Жовква, советник на претседателот Володимир Зеленски. Сепак, официјален Киев сака да биде застапен во политиката на НАТО.

Лидерите на НАТО следната недела ќе се состанат во шпанската престолнина Мадрид, а во текот на дводневните состаноци и консултации, Алијансата ќе го претстави својот стратешки концепт-документ кој ја опишува мисијата и односот на Алијансата кон земјите кои не се членки, вклучувајќи ги Кина и Русија.

Жовква за „Фајненшл тајмс“ вели дека владата на Зеленски сака Алијансата да признае дека Украина е „камен-темелник на европската безбедност“ и да го потврди своето партнерство со Киев, за прв пат воспоставено во 1997 година. Тој, сепак, истакна дека Украина нема да инсистира да стане членка на НАТО.

Членките на НАТО ги отфрлија нашите желби. По тоа прашање нема да направиме ништо друго – вели Жовка.

Идното членство на Украина во Алијансата беше клучен фактор зад сегашниот конфликт со Русија. Украина ја напиша својата цел да стане членка на НАТО во својот устав во 2019 година, и покрај предупредувањата на Москва дека поседувањето сили и оружје на Алијансата на руската граница би претставувало неприфатлива безбедносна закана.

Генералниот секретар на НАТО, Јенс Столтенберг, инсистираше книгите за членство во Алијансата да останат отворени за заинтересираните нации, но тој не вети ниту го исклучи членството на Украина во блиска иднина. Според Декларацијата од Букурешт од 2008 година, официјалниот став на НАТО е дека Грузија и Украина „ќе станат членки на НАТО“ на неодреден иден датум.

Стратешкиот концепт на НАТО не е ажуриран од 2010 година, а во верзијата на документот се наведува дека Алијансата се стреми кон „вистинско стратешко партнерство“ со Русија.
Жовква сака НАТО да го отстрани секое спомнување на Русија како „партнер“ од претстојното ажурирање.

Очекуваме во стратегискиот концепт на НАТО да има построги предупредувања до рускиот агресор – вели тој и ја повика Алијансата да не се „срами“ да напише „антируски текст“.

Понатаму, Жовква вели дека сака украинскиот конфликт да биде опишан во стратешки документ, наведувајќи дека не е доволно само да се пречкрта зборот „партнер“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.