Од среда се затвораат училиштата во Хонг Конг со цел да се спречи ширењето на коронавирусот, објавија денеска локланите власти откако се потврдени нови 115 случаи, што е најголем дневен биланс на нови инфекции од почетокот на четвртиот бран на епидемијата.

Пред повеќе од една недела Хонг Конг се соочи со четвртиот бран на ковид-19, кога за прв пат од 1 август беа потврдени 125 случаи во еден ден.

Од новите 115-те денешни случаи, 62 се однесуваат на кластер поврзан со клуб за танцување, со што бројот на заразени во оваа група достигна 479 лица.

Од четврток се затворени сите барови, ноќни клубови и простории за забава и тоа на најмалку седум дена.

Извор: МИА

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.