Убиените деца се на возраст од 7 до 11 години, штитејќи ги загинаа и две нивни учителки

Вкупниот број на жртви во масакрот во основно училиште во Увалде, Тексас, се искачи на 21, а загинаа 19 ученици и две учителки.

Станува збор за Ева Мирелес (44), која таму работела 17 години и Ирма Гарсија (46), мајка на четири деца и вработена во училиштето цели 23 години.

И двете жени беа наставнички во четврто одделение и биле блиски пријателки.

Убиените деца се на возраст меѓу седум и 11 години. Членови на семејствата на некои од нив ги потврдија нивните имиња за американските медиуми.

Узија беше најслаткото момче што некогаш го запознав, изјави неговиот дедо Мани Ренфро за „Асошиетед прес“, додавајќи дека ова не го кажува само затоа што е негов внук.

Меѓу исчезнатите се Рохелио Торес и Невае Браво.

Таткото на 10-годишната Анабел Гвадалупе Родригез рече дека и таа се уште се смета за исчезната.

Пукањето во Увалде беше најсмртоносниот инцидент од овој вид од 2018 година, кога беа убиени 14 средношколци и тројца возрасни вработени во училиште во Паркленд, Флорида, и од 2012 година, кога 20 деца и шест возрасни беа убиени во училиштето „Сенди Хук“ во Конектикат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.