По само 45 дена на функцијата како премиерка на Велика Британија, Лиз Трас ги исполнува условите за годишен надомест од 115.000 фунти до крајот на својот живот.

Според владата, на сите поранешни премиери им е обезбеден годишен надоместок од наведениот износ.

За да ги исполнувате условите за надоместокот, само треба да се биде поранешен премиер, што значи дека Трас ги исполнува условите, и покрај тоа што е премиер со најкраток стаж во историјата на земјата.

Таа вчера поднесе оставка од функцијата британски премиер по само 45 дена.

Трас имаше најкраток мандат – втор најкраток мандат го имал Џорџ Канинг, чија премиерска функција траела 118 дена пред да почине ненадејно во 1827 година.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.