Светската здравствена организација денеска предупреди дека Ковид-19, болеста која е предизвикана од коронавирусот, со загрижувачка брзина се шири во некои делови од северната хемисфера, на неколку месеци од почетокот на сезоната на зимски грип.

-Во некои земји почнавме де забележуваме загрижувачки трендови, изјави Марија Ван Керхов, технички директор на СЗО за Ковид-19, во текот на емитување на социјалните мрежи.

“Гледаме зголемување на бројот на пациенти на одделите за интензивна нега во болниците, особено во Шпанија, Франција, Црна Гора, Украина и некои делови од САД. Ова е загрижувачки бидејќи сезоната на грип се уште не е почната”, додаде Ван Керхов.

Ван Керхов изјави дека во неколку земји е зголемен бројот на  пациенти на возраст меѓу 15 и 49 години, заразени со Ковид-19

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.