Светската здравствена организација ги извести болниците ширум светот да се подготват за можно ширење на инфекцијата од мистериозниот вирус кој веќе уби еден човек и зарази десетици во Кина.

Научниците нагласуваат дека досега не виделе таков вирус. Тестовите само покажуваат дека тој е коронавирус.

Во моментов, во Кина се регистрирани 41 случаи на болеста во градот Вухан од декември. Еден пациент веќе почина од пневмонија предизвикана од вирусот.

Првиот случај регистриран надвор од земјата е во Тајланд. Информацијата предизвика загриженост дека вирусот може да ги напушти границите на Кина.

Инфицираната жена, Кинеска на одмор во Тајланд, била регистрирана од аеродромска контрола.

Вирусот првично се сметаше дека го пренесуваат животните, но СЗО соопшти дека веќе има докази за пренесување на болеста од човек на човек.

Д-р Марија Ван Кирхоф, шеф на Секторот за заразни болести на СЗО, рече дека организацијата им наложила на болниците ширум светот да ја контролираат инфекцијата доколку таа се шири. Ова вклучува можност за „широко распространување“ кога неколку инфицирани пациенти можат да ја пренесат болеста на десетици други истовремено.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.