Светската банка одобри план за помош од 12 милијарди американски долари за да им се овозможи на земјите во развој брз пристап до вакцините против Ковид-19 кога ќе станат достапни.

Како што беше најавено, одборот на извршни директори на Светска банка вчера го одобри планот.

Парите ќе бидат искористени за „финансирање на набавка и дистрибуција на вакцини, тестови и третман на граѓаните на тие земји“, се вели во соопштението.

Оваа финансиска помош од Светската банка може да овозможи вакцинирање на до милијарда луѓе.

Целта на Светската банка е да испрати сигнал до истражувачката и фармацевтската индустрија дека граѓаните на земјите во развој исто така мора да имаат пристап до безбедни и ефективни вакцини против Ковид-19.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.