Руската победа во Украина би била лоша за сите во Европа и Северна Америка, изјави генералниот секретар на НАТО, Јенс Столтенберг.

Според него, руската победа би испратила порака до авторитативните лидери дека сите цели можат да се постигнат со употреба на сила.

Коментирајќи ја ситуацијата во Украина, Столтенберг во ексклузивно интервју за американски „Политико“ истакна дека успесите на Киев на бојното поле не би биле можни без поддршката на НАТО.

Тој е убеден дека Вашингтон ќе продолжи да испраќа воена и финансиска помош за Киев, бидејќи побеÐ �ата на Путин во Украина, исто така, би била катастрофа за Украинците.

Американските медиуми, повикувајќи с ена неименувани извори, пренесуваат дека Пентагон планира да и испрати во Украина нов пакет оружје и друга помош во вредност од 275 милиони долари.

Вашингтон од почетокот на војната со Русија, на 24 февруари годинава, во Украина испорача оружје и друга опрема во вредност од речиси 18 милијарди долари.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.