Претседателот на Турција, Реџеп Таип Ердоган, и наредил на крајбрежната стража
да ги спречи  мигрантите да го преминуваат Егејот кон Европската унија заради
нивната безбедност.

Нелегалните преминувања на мигрантите преку Егејот не се дозволени, бидејќи се опасни – соопшти турската крајбрежна стража, повикувајќи се на указот на претседателот.

Спроведувањето на мерката ќе биде надгледувана од Министерството за внатрешни работи.

Иако принципот на интервенција во случај на илегални мигранти кои сакаат да ја напуштат Турција, ќе продолжи да се спроведува, овој пристап не го опфаќа преминувањето преку море заради опасност по нивните животи – се додава во соопштението од кабинетот на Ердоган.

Турската крајбрежна стража ја обвини Грција за кршење на меѓународните закони со ставање во опасност на мигрантски чамци и вели дека спасила скоро 100 мигранти од три бродови што Грците ги оставиле полупотопени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.