Сопругот на Ирма Гарсија, една од двете учителки убиени во масакрот во училиштето во Тексас, два дена по трагедијата почина од срцев удар. Информацијата на „Твитер“ ја објави нејзиниот внук Џон Мартинез, а веста ја пренесоа американските медиуми.

Со длабока жалост морам да ви кажам како од тага почина сопругот на тетка ми Ирма, Џо Гарсија. Немам зборови да опишам како се чувствуваме, молете се за нашето семејство. Боже, смилувај ни се, ова не е лесно, напиша Мартинез.

Гарсија отишол да ѝ остави цвеќе на својата трагично почината сопруга. Кога стигнал дома, паднал.

Мојата тетка Ирма и Џо Гарсија се заедно од средно училиште и зад себе оставија четири прекрасни деца. Тие имаат 23, 19, 15 години, а најмладата има само 13 години,  напиша Мартиназ на Твитер.

Гарсија работела во училиштето 23 години.

Таа се жртвуваше за да ги заштити децата во својата училница“, напиша нејзиниот внук на Твитер и додаде: „Таа умре како херој, многумина ја сакаа и на сите навистина ќе ни недостига“.

 



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.