Слеп патник испаднал од авион на компанијата „Кенија ервејз“, а потоа телото му е пронајдено во градина во Лондон. Човекот испаднал непосредно пред слетувањето на аеродромот Хитроу.

Телото е пронајдено завчера, а инспекторите претпоставуваат дека се работи за слеп патник. Во кенискиот авион е пронајдена торба со вода и храна, кои не припаѓале никому.

Во соопштението, полицијата наведува дека телото е испратено на обдукција. Случајот засега не се води како убиство, но можно е човекот да починал пред да падне од авионот.

Компанијата „Кенија ервејз“ соопшти дека авионот нема никакви оштетувања.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.