Поголемиот дел од парите ветени за обновување на катедралата Нотр Дам допрва треба да се уплатат, изјави надбискупот на Париз Мишел Опети.

Износот од милијарда евра, кој беше споменат во медиумите, не е ветен од некоја голема фондација или администрација, изјави надбискупот Опети.

Катедралата Нотр Дам беше тешко оштетена во пожарот, кој избувна на 15 април, по што од различни делови на светот стигнаа ветувања за поддршка за нејзина обнова.

Досега за обнова пристигнале околу 13,5 милиони евра, а надбискупот Опети нагласува дека продолжува собирањето пари.

Според него, од пристигнатите 13,5 милиони евра, 9,5 милиони евра дошле од 43.000 донатори од Франција и од странство, меѓу кои и 7.000 Американци.

Останатите четири милиони дошле од поголеми донатори.

 

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.