Словачка планира да ги тестира сите граѓани на возраст над 10 години за коронавирусот во следните два викенда, соопшти премиерот Игор Матович на денешната прес-конференција, додавајќи дека тоа е проект кој владата го подготвувала последните три недели.

Сè уште не е јасно дали ваквото национално тестирање ќе биде задолжително или доброволно.

Тестирањето на целото население, како што објасни Матович, е со цел да го открие вистинскиот број на заболени лица во земјата.

Децата помали од 10 години нема да мора да бидат тестирани, рече словачкиот премиер објаснувајќи дека одлуката е донесена врз основа на совети на педијатри.

Словачка има околу 5,5 милиони жители, а тестирањето ќе биде организирано слично како избори, така што ќе има околу 6.000 пунктови во земјата каде што ќе работат седумчлени тимови

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.