Шведскиот министер за финансии рече дека иако одлуката на земјата да влезе во НАТО не е најсреќна, тоа е неопходен чекор поради војната во Украина.

Микаел Дамберг изјавил за Си-Ен-Ен дека руската инвазија на Украина ги поттикна луѓето да размислуваат дали тие ќе бидат следната цел.

Мораме да се браниме, а тоа го правиме подобро заедно со другите европски и американски партнери. Досега сè помина добро и очекуваме дека сите земји ќе ги пречекаат Шведска и Финска како членки на НАТО, додал тој.

Дамберг ја коментирал и економската состојба во Шведска и кажал дека не е сигурен како ќе се движи економскиот раст во следните неколку месеци.

Луѓето се подготвуваат за потешки времиња, изјавил Дамберг, додека инфлацијата во Шведска е највисока во последните 30 години.

Гледаме дека вториот квартал ќе биде доста добар кога станува збор за растот, но ако погледнеме понатаму, мислиме дека ќе забави. Ќе бидеме погодени од Европа, војната и германската економијa, додал тој.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.