Шпанија и Шведска денеска соопштија дека ги регистрирале првите случаи на зараза со новиот вид на коронавирусот – Омикрон.

Во Шпанија Омикрон е откриен кај патник кој дошол од Јужна Африка, јави весникот „Ел Паис“.

Видот е секвенциониран во болница во Мадрид и пациентот е во добра состојба.

Шпанското Министерство за здравство не го коментирало случајот.

Државната здравствена агенција на Шведска соопшти дека и во оваа скандинавска земја е откриен случај на зараза со Омикрон.

Примерокот е од пред една недела од заразено лице кое исто така дошло од Јужна Африка, соопшти државната агенција.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.