Германскиот канцелар Олаф Шолц денеска на Самитот за прогресивно владеење во Берлин повторно вети дека ќе продолжи да испорачува оружје на Украина се додека тоа биде потребно.

Тој всушност денеска само ја повтори пораката испратена претходно оваа недела од лидерите на Групата седум најразвиени економии –Г7, со кои во моментов претседава Германија.

-Германија ќе ја продолжи својата поддршка се додека е потребно, се додека таа поддршка е потребна за да се одбрани од одвратната руска агресија, рече тој.

Шолц додаде дека рускиот претседател Владимир Путин јасно ставил до знаење дека „оваа војна не е само Украина“.

-Војната е дел од крстоносна војна против либералната демократија, крстоносна војна против меѓународниот поредок заснован на правила, крстоносна војна против слободата и напредокот, крстоносна војна против нашиот начин на живот и крстоносна војна против она што Путин го нарекува колективен Запад и кога мисли на сите нас, изјави германскиот канцелар.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.