Шојгу го предупреди НАТО за испораките на оружје за Украина Рускиот министер за одбрана Сергеј Шојгу порача дека испораките на западно оружје во Украина активно го вовлекува НАТО во конфликтот и предупреди дека тоа може да доведе до „непредвидливо ниво на ескалација“, пренесуваат британските медиуми.

САД и нивните сојузници се обидуваат да го продолжат конфликтот што е можно повеќе. За да го постигнат тоа, тие почнаа да ја снабдуваат Украина со тешко офанзивно оружје и отворено ја повикуваат земјата да ги освои нашите територии. Всушност, таквите чекори ги вклучуваат земјите на НАТО во конфликтот и тоа може да доведе до непредвидливо ниво на ескалација – изјави рускиот министер за одбрана.

Инвазијата на руските сили во источна Украина, што официјална Москва ја нарекува „специјална воена операција“, Шојгу денеска ја оцени за „успешна“, во време кога Киев очекува голема руска офанзива и бара од западните земји да ја зголемат и забрзаат воената помош за земјата.

Во моментов борбите успешно се одвиваат во областите Бахмут и Вугледар – рече Шојгу.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.