Шест земји членки на Европската унија – Германија, Данска, Холандија, Финска, Чешка и Шведска ќе разговараат за реформите во Светската трговска организација (СТО), се наведува во соопштението на финското Министерство за надворешни работи, цитирано од светските агенции.

Претставници на шестте држави од ЕУ ќе се соберат во Стокхолм на средба, организирана од министерот за надворешна трговија и северните земји на Шведска, Ана Халберг. Шестте држави вообичаено покажуваат многу блиски позиции во однос на трговската политика на Европската унија.

Тема на средбата во шведската престолнина ќе бидат прашањата за трговијата, животната средина, нееднаквоста меѓу половите и борбата со климатските промени, а, исто така, и за реформите во СТО.

Цел на средбата во Стокхолм ќе биде и поблиската размена на мислења пред оддржувањето на форумот на Светската трговска организација, закажан за јуни во Казахстан.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.