Најмалку седум лица загинаа, а 11 други се повредени во поројните дождови и поплавите во источниот регион на Саудиска Арабија, соопшти денеска саудискиот оддел за цивилна одбрана, јави ДПА.

Саудиската агенција СПА јави дека жртвите биле регистрирани во провинцијата Хафар ал-Батин, откако таму од петокот до синоќа имало поројни дождови, цитирајќи го портпаролот на цивилната одбрана во источниот регион.

Портпаролот додаде дека 16 лица биле евакуирани, седум се засолниле, а оштетени биле 40 возила и три куќи.

Надојдените води заробиле голем број луѓе и едно возило, наведуваат од цивилната одбрана на регионот, пренесе ДПА.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.