Ниту еден од шесте членови на екипажот не го преживеал падот на авионот „антонов ан-26“, кој се урна во средата во регионот Хабаровск, на далечниот исток на Русија, пренесува ТАСС, врз основа на првите информации од извор од руската спасувачка служба.

Како што е наведено, хеликоптер „ми-8“ ги открил остатоците од авионот, а вкупно 140 луѓе и 35 возила учествувале во акцијата за пребарување и спасување.

Рускиот транспортен авион „ан-26“, во кој имало шест членови на екипажот, се урна вчера, на околу 38 километри од градот Хабаровск, на крајниот исток на Русија, при извршување на технички задачи за проверка на системот за контрола на летање на руските аеродроми.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.