Советникот за национална безбедност на САД, Џејк Саливан, предупреди дека Кина ќе се соочи со „меѓународна изолација“ доколку не соработува за време на понатамошните истраги за потеклото на корона вирусот.

Саливан го пофали американскиот претседател Џозеф Бајден што им рекол на своите колеги од Г7 да ја „притиснат“ Кина да дозволи отворена истрага за потеклото на пандемијата, јави „Фокс њуз“.

Она што Бајден го стори во Европа минатата недела се нарекува собир на демократскиот свет со заеднички глас за ова прашање, првпат по избувнувањето на пандемијата. Поранешниот претседател Трамп не можеше да го стори тоа, а тоа го направи Бајден. Тој го собра Г7 да ја поддржат изјавата на сите во која се вели дека Кина мора да дозволи истрага на нејзината територија – изјави Саливан.

Американскиот советник за национална безбедност вели дека Кина има два избора – или да им дозволи на истражителите, на разумен начин, да ја направат вистинската работа и да разберат од каде потекнува корона вирусот или да се соочи со меѓународна изолација.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.