Вакцината против корона вирус на „Фајзер/Бионтек“ доби дозвола за употреба за деца на возраст од пет до 11 години.

Експертите од Управата за храна и лекови (ФДА) го поддржаа овој потег кој ќе оди на итно одобрување во рок од неколку недели. Во септември беше објавено дека вакцината е безбедна за децата од таа возрасна група.

Во САД, вакцината веќе се дава на деца на возраст над 12 години, а најновата одлука ќе влијае на околу 28 милиони американски деца.

Официјалните податоци од САД покажуваат дека 160 деца на возраст меѓу пет и 11 години починале од корона вирус од почетокот на пандемијата. Во САД од вирусот починале вкупно околу 740.000 луѓе.

САД, исто така, пријавија повеќе од 5.000 случаи на ретка воспалителна болест поврзана со инфекции со корона вирус, од што починале 46 деца.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.