Владата на САД сака да го забрза развојот на антивирални пилули против Ковид-19 и други опасни вируси со финансиска инјекција. Целта е да се развие апче кое ќе се зема на почетокот на симптомите.

Минатата недела, владата во САД соопшти дека ќе откупи 1,7 милиони дози на експерименталната антивирална пилула на компанијата Мерк, доколку се покаже дека е безбедна и ефикасна. Резултатите од голема студија на лекот кој се нарекува молнупиравир, се очекуваат наесен. Првичните анализи покажуваат дека лекот го намалува ризикот од хоспитализација доколку се користи набрзо по заразата, со тоа што го спречува вирусот да се размножува во организмот. Но пациентите кои веќе биле хоспитализирани немале никакви ефекти од лекот.
И други големи компании како Фајзер, АстраЗенека и Рош веќе тестираат антивирални апчиња.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.