Борбени авиони на Источниот воен округ на руските вооружени сили Су-30, Су-35 и Миг-31 денеска полетаа за да пресретнат американски бомбардери Б-52Х кои летале на Охотското Море, објави Националниот центар за контрола на одбраната на руското Министерство за одбрана.

Во соопштението од центарот се вели дека руските сили следеле два бомбардери Б-52 на американските воздушни сили, кои летале на значително растојание од границата на Руската Федерација.

Националниот центар за контрола на одбраната истакнува дека американските бомбардери не ги нарушиле границите на Руската Федерација.

Се наведува и дека летовите на руските авиони биле извршени во строга согласност со меѓународните правила за користење на воздушниот простор над неутрални води, „без да се нарушат границите на други земји“.

Министерството за одбрана на Русија на 17 јуни објави дека руските радари следеле лет на американски бомбардери Б-52 Х над североисточниот дел на Тихиот Океан.

Американските бомбардери не се доближиле до руската граница и летале на оддалеченост од околу 300 километри од руската граница, додаде Министерството

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.