Русија денеска соопшти дека нејзини војници учествуваат на тактички вежби во Белорусија, пренесе Ројтерс.

Откривањето доаѓа во услови на загриженост дека Москва го притиска Минск повеќе да се вклучи во конфликтот во Украина.

Белорусија соопшти дека нема да се приклучи на војната во Украина, но претседателот Александар Лукашенко нареди белоруски војници да бидат распоредени заедно со руските сили во близина на границата меѓу Белорусија и Украина, велејќи дека заканите за неговата земја доаѓаат од Киев и од Запад.

„Војниците од Западниот воен округ… продолжуваат со интензивните борбени вежби во објектите на вооружените сили на Република Белорусија“, се вели во соопштението на руското Министерство за одбрана.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.