Русија соопшти дека ќе продолжи да наоѓа купувачи за својата нафта, и покрај, како што вели, „опасниот“ обид на западните влади да наметнат ограничувања на цената на нејзиниот извоз на нафта, пишува Ројтерс.

Коалицијата на западните земји предводена од Групата седум нации (Г7) се согласи да ја ограничи цената на руската нафта извезена по морски пат на 60 долари за барел, со цел да ги ограничи приходите на Москва и да го ограничи нејзиното финансирање на инвазијата на Украина.

Рускиот претседател Владимир Путин и високите функционери на Кремљ постојано нагласуваат дека нема да доставуваат нафта на земјите кои применуваат ценовни ограничувања.

Во коментарите објавени на Телеграм, руската амбасада во САД ја критикуваше „трансформацијата“ на принципите на слободниот пазар и повтори дека нејзината нафта ќе продолжи да биде барана и покрај мерките.

Овие чекори неминовно ќе доведат до зголемена неизвесност и наметнување повисоки трошоци за потрошувачите на суровини“, се вели во соопштението.

Тие додаваат дека „без оглед на сегашните флертувања со опасен и нелегитимен инструмент, убедени сме дека руската нафта ќе продолжи да биде барана“.

Ограничувањето на цената на Г7 ќе им овозможи на земјите кои не се членки на ЕУ да продолжат да увезуваат руска сурова нафта преку море, но ќе им забрани на компаниите за превоз, осигурување и реосигурување да ракуваат со руска сурова нафта ширум светот, освен ако не се продава за помалку од одредената цена.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.