Русија организира евакуација на повеќе од 500 луѓе од Авганистан, соопштија од Министерството за одбрана.

Според планот за евакуација на руската армија, четири транспортни авиони треба да превезат над 500 руски државјани и државјани на земјите на Организацијата за договор за колективна безбедност, Белорусија, Казахстан, Киргистан и Таџикистан, како и од Украина, пренесува агенцијата ТАСС.

Четири авиони за таа цел се групирани и чекаат дополнителни упатства во Улјановск, а секој авион е опремен со медицински персонал и материјали за да ја обезбеди потребната медицинска помош за време на летот – се наведува во соопштението на руското Министерство за одбрана.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.