Претседателот на Франција Емануел Макрон, на крајот на ноември предвидуваше повторно отворање на рестораните и баровите на 20 јануари, но отворањето ќе се одложи и пред да бидат познати последиците за епидемијата со коронавирусот од прославите на крајот на годината, јави дописникот на МИА..

Рестораните нема да ги отворат вратите в среда, 20 јануари и ќе останат затворени уште неколку недели. Според информациите објавени во француските медиуми, извршната власт веќе ја донела својата одлука и датумот на повторно отворање, кој беше одреден на крајот на ноември од страна на Емануел Макрон е одложен.

Изутринава за радиото Европа 1 министерот задолжен за мали и средни претпријатија Алан Гризе потврди дека со оглед на развојот на епидемијата, не е предвидено отворање на рестораните.

Кино салите и театрите исто така ќе останат затворени на 7 јануари.

Мала утеха за сопствениците на рестораните, владата објави дека мерките за помош ќе бидат продолжени колку што е потребно.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.