Австралија денеска соопшти за рекорден број смртни случаи од новиот коронавирус во изминатите 24 часа. Сите 21 смртни случаи се пријавени во државата Викторија. Со нив, вкупниот број на смртни случаи во државата достигна 267, а во целата земја – 352.

Во изминатите 24 часа, во главниот град на Викторија, Мелбурн се регистрирани 410 нови случаи на инфекција, откако нивниот број беше под 400 за три последователни дена.Уште 18 новозаразени се регистрирани во државата Нов Јужен Велс. Вкупниот број на случаи на коронавирус во Австралија достигна 22.127.

Кластерот за зараза во Мелбурн, втор по големина град во Австралија, со 4,9 милиони жители, ги принуди властите минатата недела да воведат полициски час, да ги заострат ограничувањата за движење на луѓето и наредија затворање на големи сектори на економијата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.