По почетокот на специјалната операција во Украина, САД и Европа почнаа да преземаат чекори кои ја влошија ситуацијата во секторот на храната и вештачките ѓубрива. Во САД финансиските и економските власти не смислија ништо подобро од тоа да го следат патот на вбризгување големи количества пари за поддршка на населението и поддршка на поединечни претпријатија и сектори на економијата, рече рускиот претседател Владимир Путин во интервју за државната телевизија Русија 1, во емисијата „Москва. Кремљ. Путин“ .

Според него, Америка сега се обидува да ја префрли на Русија одговорноста за она што се случува на пазарот на храна. Тој предупреди дека ситуацијата со светските ѓубрива ќе се влоши поради санкциите, а цените на храната ќе пораснат.

– Блеф се тврдењата дека Москва го спречува извозот на украински житарки, подготвени сме извозот на пченица да се крене на 50 милиони тони. Го повикувам Киев да ги исчисти од мини териториите во Црно Море под руска контрола за безбеден извоз на житарките, а Русија нема да ја користи оваа ситуација за организирање напади од море, гарантираме мирен премин без какви било проблеми – рече Путин.

Путин рече дека кратковидата енергетска политика на европските земји довела до сегашната енергетска  криза.

– Банките престанаа да даваат кредити бидејќи се под притисок, осигурителните компании престанаа да осигуруваат релевантни трансакции, престанаа да им даваат на локалните власти земјишта за проширување на производството, ја намалија изградбата на специјализираниот транспорт, вклучувајќи цевководи, и сето тоа доведе до недоволно вложување во енергетскиот сектор во светот и како резултат на тоа е зголемувањето на цените. Европејците не ги послушаа барањата на Русија за одржување на долгорочните договори за снабдување со природен гас, што негативно се одрази на енергетскиот пазар – истакна Путин во интервјуто.



Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.