Рускиот претседател Владимир Путин оцени дека оние кои одат на недозволени протести треба да бидат подготвени да „дремат“ во затвор и да им бидат избричени главите при доаѓањето во таква установа.

Ако не сте добиле дозвола за протест, а сепак протестирате, тогаш ве молам да одите на бричење во затвор, рекол Путин, додавајќи „малку да се одморите и опуштите таму“.

Неколку демонстранти во Русија кои присуствувале на протести кои немале дозвола веќе се осудени на казна затвор од пет години. Претставниците на опозицијата постојано повторуваат дека во Русија е многу тешко да се добие дозвола за организирање протест.

Со оглед на многу строгите закони во таа земја, во последно време често се случува некој демонстрант да застане сам со транспарент в рака, бидејќи тоа е единствениот облик на протест за кој не е потребна дозвола во Русија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.