Податоците од Центрите за контрола и превенција на болести покажуваат дека коронавирусот брзо се шири низ цела Европа, и ние сме длабоко во вториот бран. Во моментов, сè повеќе луѓе се заразуваат, изјави шефицата на Европската Комисија Урсула фон дер Лајен. -Очекуваме овие бројки да се зголемат во следните две до три недели и тоа брзо ќе се зголемат, рече таа.

Фон дер Лајен, поддржана од својот научен советник Питер Пајот, рече дека ќе ги повика лидерите на земјите-членки да обезбедат подобро споделување на податоците преку платформата формирана од Европскиот центар за превенција и контрола на болести.

– Ова ќе ни помогне да разбереме, на пример, каде може да се организира капацитет за интензивна нега или прекугранична нега на пациенти кога е потребно, рече таа.

Германија веќе започна да прима пациенти од преполни болници во Белгија и Холандија.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.