Безживотно тело на „таен патник“ е пронајдено утринава во авион на „Ер Франс“ кој слетал на парискиот аеродром „Шарл де Гол-Роаси“, патувајќи од Брегот на слоновата коска, соопшти француската авиокомпанија.

Весникот „Фигаро“ пишува дека станува збор за десетгодишно дете, но „Ер Франс“ одби да ги коментира медиумските наводи и наведе дека истрагата е во тек.

Авиопревозникот изрази жалење и длабоко сочувство поради човечката трагедија.

Извор од канцеларијата на француското обвинителство истакна дека јавниот обвинител не е запознат со годините или идентитетот на „тајниот патник“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.