Британскиот принц Филип (97) одлучи доброволно да престане да вози, еден месец по сообраќајката што ја предизвика и во која беа повредени две жени, соопшти Бакингемската палата.

Од морални причини, сопругот на кралицата Елизабета Втора ја врати својата возачка дозвола на британските власти.

Ема Ферведер, која во несреќата се здоби со скршеници на рачниот зглоб, вели дека „токму тоа требало да го стори“ и дека сега патиштата ќе бидат побезбедни.

Принцот Филип на 17 јануари со својот џип „Ленд Ровер” удри во друго возило и притоа повреди две жени. Тој, како и едно деветмесечно бебе не беа повредени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.