Поранешниот шеф на кабинетот на премиерот на Малта, Кит Шембри денеска е уапсен поради истрага за убиството на новинарката Дафне Каруна – Галиција, соопшти полицијата.

Шембри вчера поднесе оставка откако полицијата соопшти дека ќе сослушуваат повеќе лица во врска со истрагата на новинарката Каруна – Галиција.

Тој беше под притисок да поднесе оставка откако минатата недела беше уапсен бизнисменот Јорген Фенеч, за вмешаност во убиството на новинарката Каруна-Галиција во Валета 2017 година, откако под нејзиниот автомобил беше поставен експлозив.

Во 2018 година беше откриено дека Фенеч поседува фирма во Дубаи, додека Шембри и малтешкиот министер за туризам Конард Мизи поседуваат оф-шор компании. „Тајм оф Малта“ објави дека Шембри е поврзан со коруптивни договори.

За убиството на Каруна-Галиција досега се осомничени три лица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.