Викториините Водопади, кои настануваат на местото каде што африканската река Замбези пропаѓа 100 метри, на границата меѓу Зимбабве и Замбија, пресушија поради најлошата суша во последните 100 години.

Убавината на овие водопади привлекувала милиони туристи, но оваа година се случи неочекувано намалување на нивото на водата. Постои стравување дека климатските промени би можеле трајно да ги уништат водопадите.

Ова првпат го имаме видено, изјави продавач на сувенири, додавајќи дека драстично е намален бројот на туристи кои виделе на интернет дека водопадите се забавени.

Проблем е што цела област е погодена од суша и многу луѓе останале без храна и посеви поради сушата. Се проценува дека им е потребна помош на околу 45 милиони луѓе.

Зимбабве и Замбија се погодени и со рестрикција на струја, бидејќи производството на овој енергент зависи исклучиво од хидроцентралата Кариба, која се наоѓа на реката Замбези.

Податоците на официјални лица задолжени за реката Замбези покажуваат дека нивото на водата е под она од 1995 година, кога било најниско, а далеку под просекот.

Викториините водопади се едни од најголемите и најспектакуларните во светот. Слаповите главно се широки над 1,5 километар, со пад од 128 метри.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.