Повеќе десетици кабини на жичарница во близина на Ванкувер паднале на земја откако бил пресечен кабелот кој ги носи гондолите, соопшти канадската полиција, сомневајќи се дека станува збор за вандалски чин.
Нема повредени лица, бидејќи жичарницата „Си ту скај“ во времето кога се случил инцидентот, околу 04,30 часот по локално време, не работела, објави Си Ен Ен. – Сметаме дека каблите се пресечени и дека станува збор за намерен вандалски чин, изјави претставничката на полицијата Кара Триенс.

Телевизијата Си Би Ес наведува дека паднале речиси сите 30 кабини, чија намена е на туристите да им го долови од воздух изгледот на тој дел од Британска Колумбија и бројните водопади.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.