На сиромашните земји им се потребни милијарди фунти помош за да се избегне катастрофа поради пандемијата на коронавирусот, предупредуваат здравствени експерти.

Доколку светските лидери не преземат итни мерки, вирусот во следните неколку недели ќе ги уништи здравствените служби низ Јужна Америка, Азија и Африка, пишува Гардијан.

Според научниците и медицинските експерти, само милијарди фунти помош и масовен извоз на вакцини можат да запрат хуманитарна катастрофа.

Тие стравуваат дека ужасните сцени од Индија може да се повторат во многу сиромашни земји. Во моментов, 30,7 проценти од пријавените смртни случаи од коронавирус во светот се поврзани со сиромашни и земји со ниски и средни примања, а пред еден месец, во нив беа регистрирани 9,3 проценти од смртните случаи ширум светот.

Смртноста во Кенија се зголеми за 674 проценти од крајот на јануари, 550 проценти во Џибути и 489 проценти во Бангладеш.

Здравствените експерти во Африка веќе предупредија дека кризата во Индија наскоро ќе се одрази и на африканскиот континент.

– Немаме доволно здравствени работници ниту медицински кислород, предупредија африканските центри за контрола и превенција на болести

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.