Бројот на жртвите од пожарите кои од викендот беснеат во Австралија се искачи на четири, соопштија локалните власти предупредувајќи дека земјата ја очекуваат уште полоши временски услови.

Најкритично е во сојузните држави Нов Јужен Велс и Квинсленд, кадешто уште пред три дена е прогласена вонредна состојба. Досега се уништени повеќе од 150 куќи, а околу 30 пожари не се под контрола. Противпожарните служби предупредија дека од утре земјата ќе ја погодат уште повисоки температури и ветер.

За време на летната сушна сезона шумските пожари се вообичаени во делови на Австралија, а најлош беше пожарот во 2009 година, кога настрадаа 170 лица, повеќе од 400 беа повредени.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.