Големите пожари што веќе два дена пустошат во Калифорнија, се приближуваат и до првите куќи во Лос Анџелес , а веќе изгореа десетици во Кенјон Каунти.

Десетици илјади станбени и семејни објекти се загрозени во овој регион, северно од Л.А.

Силниот ветар бргу го шири пожарот што принуди евакуацијата на повеќе од четириесет илјади жители од областа. Иако ветерот денеска е нешто послаб, локалните власти ги предупредија жителите да не се водат според временските услови, бидејќи метеоролозите најавија дека ќе продолжи да се засилува по затишјето и навреме да се евакуираат.

Ширењето на пожарот е поттикнато и од релативно високите температури кои достигнуваат 32 Целзиусови степени.

Минатата година во истиот период во пожарите загинаа најмалку 85 лица.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.