Бројот на потврдени случаи на инфекција со коронавирус во Германија денес се зголеми за 23.648, објави Институтот „Роберт Кох“.

Бројот на смртни случаи од ковид 19 е зголемен за 260 од вчера, на вкупно 13.630, според официјалните податоци.

Од почетокот на епидемијата, во Германија се заразени 879.564 лица со коронавирусот.

Раководителот на одделот за заразни болести на институтот „Роберт Кох“, Лотар Вилер, вчера изјави дека воведените рестриктивни мерки даваат резултати и изрази оптимизам дека бројот на пациенти ќе почне да се намалува.

Кафулињата и рестораните се затворени, но училиштата и продавниците се отворени. Приватните собири се ограничени на најмногу 10 лица од две домаќинства.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.