Здружението на најголемите авиокомпании и аеродроми во Европа предупреди дека ќе има хаос и часови на чекање по објавувањето на ЕУ-дигиталниот сертификат за Ковид-19, освен ако не се воспостави подобра координација меѓу државите.

Заедничкиот европски систем за Ковид-сертификација ќе стапи на сила в четврток.

Здружението на аеродроми АЦИ и здруженијата на авиокомпании А4Е, ИАТА и ЕРА со писмо до европските лидери предупредуваат на „загрижувачката разновидност на пристап“ низ целиот континент.

„Како што се зголемува сообраќајот на патници во следните недели, ризикот од хаос на европските аеродроми е реален“, се вели во заедничкото писмо до европските лидери.

На крајот на мај беше постигнат договор за дигитален сертификат на европско ниво.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.