Во Украина почна заедничка воена вежба со силите на САД, Полска и Литванија, кои ја поддржуваат Украина во тензиите со Русија.

Во западниот дел на Украина, во близина на границата со Полска, 1.200 војници со 200 борбени возила учествуваат во вежбата „Три мечеви 2021“ која ќе трае до 30 јули.

Вежбата е во рамки на регионалната програма за воена соработка меѓу Украина, Полска и Литванија, кои во 2014 година формираа заедничка бригада со 2.600 Полјаци, 570 Литванци и 340 Украинци.

Во последните месеци Украина беше домаќин на две воени вежби со армиите од земјите на НАТО, на југот и на Црното Море.

Русија, исто така, спроведе неколку маневри во последните месеци, особено во Црното Море.

Односите меѓу Киев и Москва се затегнати од 2014 година поради конфликтот меѓу украинските сили и проруските бунтовници во источниот дел на Украина.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.